ஓராண்டு சித்த மருத்துவப் பட்டயப் படிப்பு: ஆய்வு செய்து அறிக்கை தாக்கல் செய்ய உத்தரவு

ஓராண்டு சித்த மருத்துவப் பட்டயப் படிப்பை முடித்தவர்கள், தமிழகத்தில் சித்த மருத்துவர்களாகச் செயல்படுகிறார்களா? என்பது குறித்து தமிழக சுகாதாரத் துறையின் கூடுதல் தலைமைச் செயலர், காவல் துறை தலைமை இயக்குநர் (டிஜிபி), தஞ்சாவூர் தமிழ்ப் பல்கலைக்கழகப் பதிவாளருடன் இணைந்து ஆய்வு செய்து அறிக்கை தாக்கல் செய்ய சென்னை உயர்நீதிமன்ற மதுரை அமர்வு வியாழக்கிழமை உத்தரவிட்டது.

தஞ்சாவூர் வல்லம் பகுதியைச் சேர்ந்த ஜெயக்குமார் சென்னை உயர் நீதிமன்ற மதுரை அமர்வில் தாக்கல் செய்த மனு: தஞ்சாவூர் வல்லத்தில் நான் சித்த மருத்துவமனை நடத்தி வருகிறேன். தஞ்சாவூர் தமிழ்ப் பல்கலைக்கழகத்தில் சித்த மருத்துவத்தில் பட்டயப் படிப்பு முடித்து, முறையாகச் சான்றிதழ் பெற்றுள்ளேன். எனது சித்த மருத்துவமனையை நடத்தவிடாமல் போலீஸார் கெடுபிடி செய்கின்றனர்.

எனவே, எனது மருத்துவமனை செயல்பாட்டில் போலீஸார் தலையிடக் கூடாது என மாவட்ட காவல் கண்காணிப்பாளருக்கு உத்தரவிட வேண்டும் என அவர் கோரியிருந்தார்.