தேர்தல் வாக்குறுதி: காங்கிரஸ் உண்மை முகம் அம்பலம்

புது தில்லி, நவ.1: தேர்தல் வாக்குறுதிகளை நிறைவேற்ற முடியாமல் காங்கிரஸின் உண்மை முகம் மக்கள் முன் மிக மோசமாக அம்பலமாகியுள்ளது என்று பிரதமர் மோடி சாடியுள்ளார்.

இதுதொடர்பாக அவர் 'எக்ஸ்' தளத்தில் வெள்ளிக்கிழமை வெளியிட்ட பதிவில், கர்நாடகத்தில் ஆட்சியில் உள்ள காங்கிரஸ் வளர்ச்சி பணிகள் மீது கவனம் செலுத்தாமல், உட்கட்சி அரசியலில் மும்முரமாக உள்ளது. இதுமட்டுமின்றி, அந்த மாநிலத்தில் ஏற்கெனவே அமல்படுத்தப்பட்ட திட்டங்களையும் அக்கட்சி ரத்து செய்யவுள்ளது.

ஹிமாசல பிரதேசத்தில் காங்கிரஸ் ஆட்சி நடைபெற்று வரும் நிலையில், அந்த மாநிலத்தில் அரசு ஊழியர்களின் ஊதியம் நேரத்துக்கு வழங்கப்படுவதில்லை. தெலங்கானாவில் தங்களின் கடன் தள்ளுபடி செய்யப்படும் என்று அங்கு ஆட்சியில் உள்ள காங்கிரஸ் வாக்குறுதி அளித்தது.

அந்த வாக்குறுதி எப்போதும் நிறைவேற்றப்படும் என்று அந்த மாநில விவசாயிகள் காத்திருக்கின்றனர்.

சத்திஸ்கர் மற்றும் ராஜஸ்தானில் தற்போது பாஜக ஆட்சியில் உள்ளது. அந்த மாநிலங்களில் முன்பு காங்கிரஸ் ஆட்சியில் இருந்தபோது சில படித்தொகைகள் வழங்கப்படும் என்று அக்கட்சி வாக்குறுதி அளித்தது.