பிராட்வே பேருந்து நிலைய மறுகட்டமைப்பு பணி விரைவில் தொடக்கம்

சென்னை பிராட்வேயில் பழைய பேருந்து நிலையத்தை ரூ.822.70 கோடியில் புனரமைத்து, புதிய பல்நோக்கு ஒருங்கிணைந்த போக்குவரத்து பேருந்து நிலையமாக மாற்றும் பணி விரைவில் தொடங்கப்படும் என சென்னை பெருநகர வளர்ச்சிக் குழுமத் தலைவரும், இந்து சமய அறநிலையத் துறை அமைச்சருமான பி.கே.சேகர்பாபு தெரிவித்தார்.

சென்னையின் அடையாளங்களில் ஒன்றாக இருப்பது பிராட்வே பேருந்து நிலையம். இங்குள்ள பழைய பேருந்து நிலையத்தில் ரூ.822.70 கோடி மதிப்பில் புதிய பல்நோக்கு ஒருங்கிணைந்த போக்குவரத்து பேருந்து நிலையம் மற்றும் குறளகம் கட்டப்படவுள்ளன.

இதற்கான இடத்தையும், பயணிகளின் வசதிக்காக மாற்று ஏற்பாட்டாக ராயபுரத்தில் தற்காலிக பேருந்து நிலையம் அமைப்பதற்கான இடத்தையும் அமைச்சர் சேகர்பாபு திங்கள்கிழமை நேரில் பார்வையிட்டு ஆய்வு செய்தார்.

தொடர்ந்து, சென்னை மாநகராட்சி சார்பில் திடீர் நகரில் ரூ.95 லட்சத்தில் கட்டப்பட்டு வரும் புதிய பன்னோக்கு மையம், வால்டாக்ஸ் சாலையில் ரூ.8.55 கோடியில் கட்டப்பட்டு வரும் புதிய சமுதாயநலக்கூடத்தையும் அவர் நேரில் பார்வையிட்டு ஆய்வு செய்தார்.

வடசென்னை வளர்ச்சி: