நாகை மீனவர்கள் 12 பேர் கைது

எல்லை தாண்டி மீன்பிடித்ததாகக் கூறி, நாகை மீனவர்கள் 12 பேரை படகுடன் இலங்கை கடற்படையினர் திங்கள்கிழமை இரவு கைது செய்தனர்.

நாகை மாவட்டம், அக்கரைப்பேட்டை மீன்பிடித் துறைமுகத்திலிருந்து டாடா நகரைச் சேர்ந்த செல்வநாதன் (35) என்பவருக்கு சொந்தமான விசைப்படகில் நவ. 10-ஆம் தேதி இரவு அவர் உள்பட 12 மீனவர்கள் மீன்பிடிக்க கடலுக்குள் சென்றனர்.

கோடியக்கரைக்கு தென்கிழக்கே 40 கடல் மைல் தொலைவில் திங்கள்கிழமை இரவு அவர்கள் மீன்பிடித்துக் கொண்டிருந்தனர்.