மாநில நிதியமைச்சர்களுடன் டிச.21,22-இல் நிர்மலா சீதாராமன் சந்திப்பு

மாநிலங்களின் நிதியமைச்சர்களை மத்திய நிதியமைச்சர் நிர்மலா சீதாராமன் வருகின்ற டிச.21, 22 ஆகிய தேதிகளில் சந்தித்து பட்ஜெட்- 2025 குறித்தும், சரக்கு மற்றும் சேவை வரியில் (ஜிஎஸ்டி) மேற்கொள்ள வேண்டிய மாற்றங்கள் குறித்தும் ஆலோசிக்கவுள்ளார்.

2025-26-ஆம் நிதியாண்டிற்கான மத்திய பட்ஜெட் அடுத்தாண்டு, பிப்ரவரி 1-ஆம் தேதி தாக்கல் செய்யப்படவுள்ளது. இதையடுத்து, தங்களின் பரிந்துரைகளை இந்தக் கூட்டத்தின் போது மாநிலங்களின் நிதியமைச்சர்கள் வழங்குவர் என எதிர்பார்க்கப்படுகிறது.

ஜிஎஸ்டி குறித்து ஆலோசனை

ராஜஸ்தான் மாநிலத்தில் உள்ள ஜோத்பூர் அல்லது ஜெய்சால்மாரில் டிச.21, 22 ஆகிய இரு நாட்களில் இந்தக் கூட்டம் நடைபெறவுள்ளதாக அதிகாரி ஒருவர் தெரிவித்தார்.

இதில் ஏதேனும் ஒரு நாளில் 55-ஆவது ஜிஎஸ்டி கவுன்சில் கூட்டம் நடைபெற வாய்ப்புள்ளதாகவும் அவர் தெரிவித்தார்.