லஞ்ச வழக்கு: வட்டாட்சியர், துணை வட்டாட்சியருக்கு 2 ஆண்டுகள் சிறை

வருவாய்துறை சான்றிதழ்களை வழங்க லஞ்சம் பெற்ற வழக்கில் வட்டாட்சியர், துணை வட்டாட்சியருக்கு 2 ஆண்டுகள் சிறைத் தண்டனை விதித்து கடலூர் நீதிமன்றம் வியாழக்கிழமை தீர்ப்பளித்தது.

கடலூர் மாவட்டம், திருமுட்டம் வட்டாட்சியர் அலுவலகத்தில் 2019-ஆம் ஆண்டு வட்டாட்சியராக கண்ணன் (43), துணை வட்டாட்சியராக அருள்பிரகாசம் (56) ஆகியோர் பணியாற்றி வந்தனர். திருமுட்டம் வட்டம், டி.பவழங்குடியைச் சேர்ந்த மாபூஷா என்எல்சி இந்தியா நிறுவனத்தில் பணியாற்றி வந்த நிலையில், உடல்நலக் குறைவால் இறந்தார்.