ஆந்திர தொழிலாளியின் முதுகில் குத்தப்பட்ட கத்தி! நுட்பமாக அகற்றி உயிர் காத்த அரசு மருத்துவர்கள்

சென்னை, நவ.15: ஆந்திர மாநிலத்தைச் சேர்ந்த கூலித் தொழிலாளி ஒருவரின் முதுகில் குத்தப்பட்ட கத்தியை மிக நுட்பமாக அகற்றி சென்னை, ராஜீவ் காந்தி அரசு மருத்துவமனை மருத்துவர்கள் உயிர் காத்துள்ளனர்.

ஏறத்தாழ 16 மணி நேரம் ஆந்திரத்தின் பல்வேறு மருத்துவமனைகளை நாடிய அந்த தொழிலாளி, அங்கு எங்கும் சிகிச்சை கிடைக்காத நிலையில், அதன் பின்னர் சென்னைக்கு வந்து மறுவாழ்வு பெற்றிருப்பது குறிப்பிடத்தக்கது.

இதுதொடர்பாக ராஜீவ் காந்தி அரசு பொது மருத்துவமனையின் முதல்வர் டாக்டர் எ.தேரணிராஜன் கூறியதாவது: ஆந்திர மாநிலம், மதனப்பள்ளியைச் சேர்ந்தவர் வீராசாமி (44), கட்டுமான கூலித் தொழிலாளி யான அவருக்கும், அவரது சகோதரர் மகனுக்கும் கடந்த வியாழக்கிழமை மதியம் நிகழ்ந்த மோதலில், கத்தியால் வீராசாமியை அவரது உறவினர் முதுகில் குத்தியதாகத் தெரிகிறது.