இரு முக்கியக் கட்சிகளுக்கு மக்களைப் பற்றி அக்கறை இல்லை

சென்னை உயர்நீதிமன்றம் வேதனை

சென்னை, நவ.15: தமிழகத்தில் உள்ள இரண்டு முக்கியக் கட்சிகளுக்கு மக்களைப் பற்றி அக்கறை இல்லை என்று சென்னை உயர்நீதிமன்றம் வேதனை தெரிவித்துள்ளது.

கடந்த 2022-ஆம் ஆண்டு அதிமுக பொதுக்குழு கூட்டம் நடைபெற்றபோது கட்சி அலுவலகத்துக்குள் அத்துமீறி நுழைந்து ஆவணங்களை எடுத்துச் சென்றதாக ஓ.பன்னீர்செல்வம் தரப்பினருக்கு எதிராக வழக்கு பதிவு செய்யப்பட்டுள்ளது. இந்த வழக்கு சிபிசிஐடிக்கு மாற்றப்பட்ட நிலையில், விசாரணையில் எந்த முன்னேற்றமும் இல்லாததால் விசாரணையை சிபிஐக்கு மாற்ற வேண்டும் என்ற கோரிக்கையுடன் மாநிலங்களவை அதிமுக உறுப்பினர் சி.வி.சண்முகம் சென்னை உயர்நீதிமன்றத்தில் மனு தாக்கல் செய்திருந்தார்.