டி20: சகிப், சாம் அசத்தலில் இங்கிலாந்து வெற்றி

மே.இ. தீவுகளுடனான தொடரை கைப்பற்றியது

கிராஸ் ஐலெட், நவ. 15: மேற்கிந்தியத் தீவுகளுடனான 3-ஆவது டி20 ஆட்டத்தில் இங்கிலாந்து 3 விக்கெட்டுகள் வித்தியாசத்தில் வென்றது. இதன்மூலம் அந்த அணி, 5 ஆட்டங்கள் கொண்ட தொடரைக் கைப்பற்றியது.

இந்திய நேரப்படி வியாழக்கிழமை நள்ளிரவு நடைபெற்ற இந்த ஆட்டத்தில், முதலில் மேற்கிந்தியத் தீவுகள் 20 ஓவர்களில் 8 விக்கெட்டுகள் இழப்புக்கு 145 ரன்கள் சேர்த்தது. அடுத்து இங்கிலாந்து 19.2 ஓவர்களில் 7 விக்கெட்டுகள் இழந்து 149 ரன்கள் எடுத்தது. இங்கிலாந்து பௌலர் சகிப் மஹ்மூத் ஆட்டநாயகன் ஆனார்.