பாம்பு கடித்து மலைக் கிராம சிறுமி உயிரிழப்பு

மருத்துவமனைக்கு பாதை வசதி இல்லை

பென்னாகரத்தை அடுத்த அலங்கட்டு மலைக் கிராமத்துக்குப் பாதை வசதி இல்லாததால், பாம்பு கடித்த சிறுமி டோலியில் வைத்து மருத்துவமனைக்குத் தூக்கி வரும்போது வழியிலேயே உயிரிழந்தார்.

தருமபுரி மாவட்டம், பென்னாகரம் அருகே வட்டுவன அள்ளி ஊராட்சிக்கு உள்பட்ட கோட்டூர், எரிமலை, அலங்கட்டு உள்ளிட்ட மலைக் கிராமங்கள் உள்ளன. இப்பகுதியில் லிங்காயத் சமூகத்தைச் சேர்ந்த மலைவாழ் மக்கள் சுமார் நூற்றுக்கும் மேற்பட்ட குடும்பத்தினர் வசித்து வருகின்றனர்.

இந்த மூன்று மலைக் கிராமங்களும் கடல் மட்டத்திலிருந்து சுமார் 3,000 அடிக்கு மேல் அடர்ந்த வனப் பகுதியில் அமைந்துள்ளன.