பாகிஸ்தான் பழங்குடியினர் மோதல்: உயிரிழப்பு 124-ஆக அதிகரிப்பு

பாகிஸ்தானின் பதற்றம் நிறைந்த கைபர் பக்துன்கவா மாகாணத்தில் ஷியா மற்றும் சன்னி முஸ்லிம் பிரிவுகளைச் சேர்ந்த இரு பழங்குடியினர் இடையே கடந்த 10 நாட்களாக நடைபெற்றுவரும் மோதலில் உயிரிழந்தவர்களின் எண்ணிக்கை சனிக்கிழமை 124-ஆக அதிகரித்தது.

இதுகுறித்து அதிகாரிகள் கூறுகையில், குர்ரம் மாவட்டத்தில் பழங்குடியினர் இடையே தொடரும் மோதலில் மேலும் 13 பேர் உயிரிழந்தனர். அதையடுத்து, அண்மைக்கால மோதலில் இரு தரப்பிலும் உயிரிழந்தவர்களின் எண்ணிக்கை 124-ஆக உயர்ந்துள்ளது என்றனர்.