பல்லாவரத்தில் வாந்தி-வயிற்றுப்போக்கு: இருவர் உயிரிழப்பு

குடிநீரில் கழிவுநீர் கலப்பா?

சென்னை அருகே உள்ள பல்லாவரத்தில் வாந்தி-வயிற்றுப்போக்கு காரணமாக 2 பேர் உயிரிழந்தனர். 17 பேர் பாதிக்கப்பட்டு அரசு மருத்துவமனையில் அனுமதிக்கப்பட்டுள்ளனர். குடிநீரில் கழிவுநீர் கலந்ததால் அவர்கள் பாதிக்கப்பட்டனரா என ஆய்வு செய்ய உத்தரவிடப்பட்டுள்ளது.

தாம்பரம் மாநகராட்சி 13-ஆவது வார்டில் உள்ள பல்லாவரம் காமராஜ் நகர், கண்டோன்மென்ட், ஆறாவது வார்டு முத்துமாரியம்மன் கோயில் தெரு, மாரியம்மன் கோயில் தெரு மற்றும் மலைமேடு பகுதிகளில் வசிக்கும் 40-க்கும் மேற்பட்டோருக்கு புதன்கிழமை வாந்தி, வயிற்றுப்போக்கு ஏற்பட்டது.

சிலர் குரோம்பேட்டை அரசு மருத்துவமனையில் சிகிச்சை பெற்று திரும்பிய நிலையில், எஞ்சியவர்கள் இரவுமுதல் அனுமதிக்கப்பட்டனர்.