மாஞ்சோலை தொழிலாளர்களுக்கு அனைத்து உதவிகளும் செய்துதரப்படும் - அமைச்சர் கே.என். நேரு உறுதி

மாஞ்சோலை தேயிலைத் தோட்டத் தொழிலாளர்களுக்கு அனைத்து உதவிகளையும் தமிழக அரசு செய்துதரும் என உறுதிபட தெரிவித்தார் நகராட்சி நிர்வாகத்துறை அமைச்சர் கே.என். நேரு.

திருநெல்வேலி மாவட்டம் கல்லிடைக்குறிச்சி அருகேயுள்ள தெற்குப் பாப்பான்குளம் பகுதியில் தமிழ்நாடு நகர்ப்புற வாழ்விட மேம்பாட்டு வாரியம் மூலம் கட்டப்பட்டுள்ள அடுக்குமாடி குடியிருப்பில் அமைச்சர் கே.என்.நேரு குத்துவிளக்கேற்றி, வீட்டிற்கான சாவிகளை மாஞ்சோலை தேயிலைத் தோட்டத் தொழிலாளர்களிடம் வழங்கினார்.

தொடர்ந்து மாஞ்சோலை தொடக்கப்பள்ளியில் தேயிலைத் தோட்ட தொழிலாளர்களுடன் நடைபெற்ற கலந்துரையாடல் நிகழ்ச்சியில் கலந்துகொண்டு, மக்களிடம் கோரிக்கை மனுக்களை அவர் பெற்றுக்கொண்டார்.