மருத்துவமனை தீ விபத்து: பாதிக்கப்பட்டவர்களுக்கு ரூ.37.50 லட்சம் நிவாரண நிதி

திண்டுக்கல்லில் தனியார் மருத்துவமனையில் ஏற்பட்ட தீ விபத்தில் பாதிக்கப்பட்டவர்களுக்கு முதல்வர் மு.க. ஸ்டாலின் அறிவித்த ரூ.37.50 லட்சத்துக் கான நிவாரண உதவிகளை அமைச்சர்கள் இ. பெரியசாமி, மா. சுப்பிரமணியன், அர. சக்கரபாணி ஆகியோர் வெள்ளிக்கிழமை வழங்கினர்.

திண்டுக்கல் - திருச்சி சாலையில் உள்ள தனியார் எலும்பு முறிவு மருத்துவமனையில் மின் கசிவு காரணமாக வியாழக்கிழமை இரவு ஏற்பட்ட தீ விபத்தில் 6 பேர் உயிரிழந்தனர். விபத்தில் காயமடைந்த 35 பேர் திண்டுக்கல் அரசு மருத்துவக் கல்லூரி மருத்துவமனையிலும், தனியார் மருத்துவமனைகளிலும் அனுமதிக்கப்பட்டனர்.

இந்த நிலையில், காயமடைந்தவர்களை மக்கள் நல்வாழ்வுத் துறை அமைச்சர் மா. சுப்பிரமணியன் வெள்ளிக்கிழமை சந்தித்து ஆறுதல் கூறினார்.