ஹாமில்டன் டெஸ்ட்: நியூஸிலாந்து 315/9

ஹாமில்டன், டிச. 14: இங்கிலாந்துக்கு எதிரான மூன்றாவது டெஸ்ட் ஆட்டத்தில் நியூஸிலாந்து முதல் இன்னிங்ஸில் 315/9 ரன்களை எடுத்துள்ளது.

இரு அணிகளுக்கு இடையிலான டெஸ்ட் தொடர் நியூஸிலாந்தில் நடைபெற்று வருகிறது. முதலிரண்டு ஆட்டங்களில் இங்கிலாந்து வென்றிருந்தது.

தொடர்ந்து கடைசி மற்றும் மூன்றாவது டெஸ்ட் ஹாமில்டனில் சனிக்கிழமை தொடங்கியது.

டாஸ் வென்ற இங்கிலாந்து பௌலிங்கை தேர்வு செய்ய, நியூஸிலாந்து தரப்பில் பேட்டர்கள் கேப்டன் டாம் லத்தம்-வில் யங் களம் கண்டனர்.

இருவரும் இணைந்து முதல் விக்கெட்டுக்கு நிலையான தொடக்கத்தை தந்தனர். டாம் லத்தம் 9 பவுண்டரியுடன் 63 ரன்களையும், வில் யங் 10 பவுண்டரியுடன் 42 ரன்களையும் விளாசி முதல் விக்கெட்டுக்கு 105 ரன்களை சேர்த்து வெளியேறினர்.