மீனவ கிராமங்களுக்கு முழுமையான மின் வசதி

சென்னை, கிழக்குக் கடற்கரைச் சாலையிலுள்ள 13 மீனவ கிராமங்களுக்கும் முழுமையாக மின் வசதி கிடைக்க நடவடிக்கை எடுக்கப்படும் என்று மக்கள் நல்வாழ்வுத் துறை அமைச்சர் மா.சுப்பிரமணியன் தெரிவித்தார்.

சென்னை, சோழிங்கநல்லூர் அக்கரைப் பகுதியில் உத்தண்டி முதல் ஊரூர் வரையுள்ள 13 மீனவக் குடியிருப்புகளைச் சேர்ந்தவர்களுடனான குறைகேட்பு முகாம் மீனவர் நலத் துறை அமைச்சர் அனிதா ராதாகிருஷ்ணன், மக்கள் நல்வாழ்வுத் துறை அமைச்சர் மா.சுப்பிரமணியன் தலைமையில் செவ்வாய்க்கிழமை நடைபெற்றது.

சோழிங்கநல்லூர் தொகுதி எம்.எல்.ஏ அரவிந்த் ரமேஷ், வேளச்சேரி தொகுதி எம்.எல்.ஏ ஹசன் மௌலானா, மீனவர் நலத் துறை இயக்குநர் கஜலட் சுமி உள்ளிட்டோர் முகாமில் கலந்துகொண்டனர்.