சென்செக்ஸ், நிஃப்டி சரிவுடன் நிறைவு

2024- ஆம் ஆண்டின் கடைசி வர்த்தக தினமான செவ்வாய்க்கிழமை

மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சரிவுடன் நிறைவடைந்தன.

உலகளாவிய சந்தைக் குறிப்புகள் பலவீனமாக இருந்தன. இதன் தாக்கத்தால் சரிவுடன் தொடங்கிய உள்நாட்டுச் சந்தை பின்னர் சற்று மேலே சென்றது. ஆனால், இன்ஃபோசிஸ், டிசிஎஸ் உள்ளிட்ட முன்னணி முதல் தரப் பங்குகள் அதிகம் விற்பனைக்கு வந்தன. மேலும், அந்நிய நிறுவன முதலீட்டாளர்கள் தொடர்ந்து பங்குகளை விற்று முதலீடுகளை வாபஸ் பெற்று வருவது சந்தையில் தாக்கத்தை ஏற்படுத்தியது. குறிப்பாக, ஃபார்மா, ஹெல்த்கேர், மெட்டல் பங்குகளுக்கு ஆதரவு கிடைத்தாலும், ஐடி பங்குகள் அதிகம் விற்பனையை எதிர்கொண்டதால் சரிவு தவிர்க்க முடியாமல் போனது என்று பங்கு வர்த்தகத் தரகு நிறுவனங்கள் தெரிவித்தன.