லாலு கட்சியுடன் கூட்டணி இல்லை: நிதீஷ் குமார்

லாலு பிரசாத் தலைமையிலான ராஷ்ட்ரீய ஜனதா தளம் கட்சி கூட்டணிக்கு அழைப்பு விடுத்திருந்த நிலையில், அதை பிகார் முதல்வர் நிதீஷ் குமார் நிராகரித்துள்ளார்.

பிகாரில் இந்த ஆண்டு இறுதியில் சட்டப் பேரவைத் தேர்தல் நடைபெறவுள்ளது. அங்கு ஐக்கிய ஜனதா தளம், பாஜக உள்ளிட்ட கட்சிகள் அடங்கிய கூட்டணி ஆட்சியில் உள்ளது. எதிர்க்கட்சிகள் கூட்டணியில் ராஷ்ட்ரீய ஜனதா தளம், காங்கிரஸ், இடது சாரிகள் உள்ளன. சட்டப் பேரவைத் தேர்தலுக்கு அனைத்து கட்சிகளும் இப்போதிருந்தே தயாராகி வருகின்றன.

முதல்வர் நிதீஷ் குமார் தலைமையில் தேர்தலைச் சந்திப்போம் என பாஜக ஏற்கெனவே அறிவித்து விட்டது. அதே நேரத்தில் எதிர்க்கட்சிகள் அணியும் தங்கள் பக்கம் நிதீஷ் குமாரை இழுக்க முயற்சித்து வருகிறது.