மனைவி, இரு மகன்களுடன் சென்னை மருத்துவர் தூக்கிட்டு தற்கொலை

சென்னையில் கடன் தொல்லை காரணமாக மனைவி, இரு மகன்களுடன் மருத்துவர் தூக்கிட்டுத் தற்கொலை செய்து கொண்டார்.

சென்னை, மார்ச் 13:

திருவண்ணாமலை மாவட்டம் செய்யாறு பகுதியைச் சேர்ந்தவர் மருத்துவர் க.பாலமுருகன் (53). இவரின் மனைவி சுமதி (47). இத்தம்பதிக்கு ஜஸ்வந்த்குமார் (19), லிங்கேஷ்குமார் (17) என இரு மகன்கள். மருத்துவர் பாலமுருகன் சென்னை அண்ணாநகரில் 2 ஸ்கேன் மையங்களையும், செங்குன்றத்தில் 2 ஸ்கேன் மையங்களையும் நடத்தி வந்தார். சென்னை கொளத்தூரில் சொந்த வீடு இருக்கும் நிலையில், 5 ஆண்டுகளுக்கு முன்பு தொழில் தேவைக்காக அண்ணாநகரில் தற்போதுள்ள அடுக்குமாடி குடியிருப்பில் உள்ள ஒரு வீட்டில் குடியேறியுள்ளார். சுமதி, சென்னை உயர்நீதிமன்றத்தில் வழக்குரைஞராகப் பணி யாற்றி வந்தார். குடும்பத்தைக் கவனிப்பதற்காகவும், கணவருடன் தொழிலுக்கு துணையாக இருக்க வேண்டிய சூழ்நிலை ஏற்பட்டதாலும் வழக்குரைஞர் பணியைவிட்டு விலகி ஸ்கேன் மையங்களை சுமதி கவனித்து வந்தார். மூத்த மகன் ஜஸ்வந்த் குமார் பிளஸ் 2 முடித்து விட்டு நீட் தேர்வுக்கு தயாராகி வந்தார். மற்றொரு மகன் லிங்கேஷ் குமார் தனியார் பள்ளியில் பத்தாம் வகுப்பு படித்து வந்தார்.