బీఆర్ఎస్కు విప్లవశక్తుల అండ?

బీజేపీ వ్యతిరేక పోరులో కేసీఆర్ విప్లవశక్తుల మేధావుల సాయం తీసుకోనున్నారా? తాజా పరిణామాలను చూస్తుంటే ఇది నిజమ నిపిస్తోంది. మరి విప్లవశక్తులు ఏం ఆలోచిస్తున్నాయి?

బీజేపీ వ్యతిరేక పోరులో కేసీఆర్ విప్లవశక్తుల మేధావుల సాయం తీసుకోనున్నారా? తాజా పరిణామాలను చూస్తుంటే ఇది నిజమ నిపిస్తోంది. మరి విప్లవశక్తులు ఏం ఆలోచిస్తున్నాయి?

దిశ ఎడిటర్ మార్కండేయ వీకెండ్ విశ్లేషణ..

కాషాయ వ్యతిరేక యుద్ధంలో కలిసి వచ్చే ఏ శక్తులనూ కేసీఆర్ వదులుకోద ల్చుకోలేదు. స్వతంత్రంగా ఉన్న అన్ని రకాల లౌకిక శక్తులను, మార్క్సిస్టు-లెనినిస్టు-మావోయిస్టు సిద్ధాంతాన్ని అనుసరించే విప్లవ శక్తులనూ కలుపుకుని వెళ్లడానికి తాజాగా పావులు కదుపుతున్నట్లు సమాచారం.గౌరీ లంకేశ్ హత్య, బీమా-కోరేగాం అరెస్టులు, అర్బన్ నక్సలైట్ల పేరుతో వేధింపుల నేపథ్యంలో దేశవ్యాప్తంగా మేధావులు, విద్యా వంతులు మోడీ సర్కారుపై ఆగ్రహించి వున్నట్లు ఆయన గుర్తించారు. ఇలాంటి శక్తులను చేరదీయడం వలన తన పోరాటానికి నైతిక మద్దతు పెరగడమే కాకుండా సైద్ధాంతిక ప్రాతిపదిక కూడా ఏర్పడుతుందని భావి స్తున్నారు. దళితులు, బహుజనులు, మైనారి టీలకు దగ్గర కావచ్చునని ఎత్తులు వేస్తున్నారు.

మరోకోణం

మోడీని, బీజేపీని నియంతగా, ప్రజాస్వామ్య వ్యతిరేకిగా, దేశ ప్రయోజనాలను తాకట్టు పెట్టే దళారీగా, ఎమ్మెల్యే లను అనైతిక పద్ధతులలో కొనేవారిగా కేసీఆర్ అభివర్ణిస్తున్నారు. మరి, తన ఎనిమిదేళ్ల పాలనలో కేసీఆర్ అనుసరించిన విధానాలు ఏమిటి? ధర్నాచౌకను నిషేధించిందెవరు? సభలు-సమావేశాలు జరక్కుండా, కనీస ప్రజాస్వామ్య హక్కులు లేకుండా చేసిందెవరు? నక్సలైట్లను ఎనౌకౌంటర్లలో చంపించిందెవరు? కాళేశ్వరం తదితర భారీ ప్రాజెక్టులను తనకు ఇష్టమైన కంపెనీలకే అప్పగించిందెవరు? కాంగ్రెస్, టీడీపీ, సీపీఐకు చెందిన ప్రజాప్రతినిధులను ఫిరాయింపజేసిందెవరు? ఆ పార్టీల ఎల్ఫీలను మింగిందెవరు?

డి. మార్కండేయ [e-mail]