25 కలర్లు.. 25 డిజైన్లు!

• రూ. 349 కోట్ల వ్యయం • 98 శాతం తయారీ సిరిసిల్లలోనే..

• 625 వెరైటీలతో 1.2 కోట్ల చీరలు 

• రూ. 349 కోట్ల వ్యయం

• 98 శాతం తయారీ సిరిసిల్లలోనే..

• 139 మ్యాక్స్ సొసైటీలు, 126 ఎస్ఎస్ఐల భాగస్వామ్యం

• నేటి నుంచి బతుకమ్మ చీరల పంపిణీ

దిశ, తెలంగాణ బ్యూరో : 25 రంగులు, 25 డిజైన్లు, 625 కలర్ కాంబినేషన్లతో బతుకమ్మ చీరలు సిద్దమ య్యాయి. రూ. 349 కోట్ల వ్యయంతో కోటి రెండు లక్షల చీరలను నేయించిన ప్రభుత్వం నేటి నుంచి 18 ఏళ్లు నిండిన ప్రతి ఆడబిడ్డకు పంపిణీ చేయనుంది. ఈసారి ప్రత్యేకంగా వెండి, బంగారు, జరీ అంచులతో నేశారు. సిరిసిల్ల, పోచంపల్లి, గద్వాల్, గరకుర్తి, జమ్మికుంట, జగిత్యాల, కరీంన గర్, మంచిర్యాల, ధర్మపురిలోని చేనేత కార్మికులకు చీరెలను నేసి ప్రభుత్వానికి అప్పగించగా ఇప్పటికే రాష్ట్రంలోని అన్ని జిల్లాలకు సరఫరా చేశారు. ఇందులో 98 శాతం చీరలను ఒక్క సిరిసిల్లలోనే తయారు చేశారు. 139 మ్యాక్స్ సంఘాలు, 126 ఎస్ఎస్ఐ (స్మాల్ స్కేల్ ఇండస్ట్రీస్ ఇందులో భాగస్వామ్యం కావడం గమనార్హం.