ఎన్నికల వేల.. డబ్బు, బంగారం స్వాధీనం..

తెలంగాణలో ఎన్నికల షెడ్యూల్ ను విడుదల చేయడంతో సోమవారం ఎన్నికల కోడ్ అమ ల్లోనికి వచ్చింది

తెలంగాణలో ఎన్నికల షెడ్యూల్ ను విడుదల చేయడంతో సోమవారం ఎన్నికల కోడ్ అమ ల్లోనికి వచ్చింది. దీంతో పోలీసులు సోమవారం మధ్యాహ్నం నుంచే రాష్ట్ర వ్యాప్తంగా వాహన తనిఖీలు, సోదాలు నిర్వహించారు. సరైన ఆధారాలు చూపించకపోవడంతో పలు చోట్ల లక్షల రూపాయల నగదును, కోట్ల రూపాయల విలువ చేసే బంగారాన్ని, వెండిని సీజ్ చేశారు. సరైన ఆధారాలు లేకుండా 50 వేల రూపాయల కంటే ఎక్కువ నగదును తరలొంచద్దని పోలీసులు తెలిపారు.

రూ.6 లక్షల పట్టివేత

వనస్థలి పురంలో సీజ్ చేసిన నగదు

దిశ, ఎల్బీనగర్/వనస్థలిపురం: వనస్థలిపురం పీఎస్ పరిధిలో సోమవారం రాత్రి సీఐ జలంధర్ రెడ్డి ఆధ్వర్యంలో వాహనాలను తనిఖీ చేశారు. ఆటోనగర్ లో సామ భరత్ రెడ్డి కి చెందిన కారులో రూ.5లక్షల 16 వేల నగదు, ఈదుకుంట జంగయ్య గౌడ్ కు చెందిన కారులో రూ.1లక్ష 60 వేల నగదు లభ్యమైంది. ఈ నగదును పోలీసులు స్వాధీనం చేసుకు న్నారు.

రూ.5 లక్షలు పట్టివేత

దిశ, వైరా: ఖమ్మం జిల్లా వైరాలో సోమవారం మధ్యాహ్నం పోలీసులు నిర్వహించిన తనిఖీల్లో రూ.5 లక్షల నగదు పట్టుబడింది. పశ్చిమగోదావరి జిల్లా జడ్పీ మాజీ చైర్మన్ ఇమ్మని రాజేశ్వరి కారులో పోలీసులు ఈ నగదును పట్టుకొని సీజ్ చేశారు. పశ్చి కోయిలగూడెం మండలం డిప్పకా మగోదావరి యలపల్లికి చెందిన ఇమ్మని రాజేశ్వరి టీడీపీ తరుపున గతంలో జడ్పీ చైర్మన్ గా పనిచేశారు. ఆమె ప్రస్తుతం హైదరాబాద్ లో నివాసం ఉంటున్నారు. వ్యవసాయ అవసరాల కోసం బ్యాంకు లాకర్లోని నగదును హైద రాబాద్ తీసుకెళ్తున్నట్లు ఆమె చెప్పారు.

రూ.18 లక్షల సీజ్

షాద్ నగర్ లో పట్టుకున్న నగదు

దిశ, షాద్ నగర్: రాయికల్ టోల్ ప్లాజా వద్ద అశోక్ అనే బైకిస్ట్ వద్ద 11 లక్షల 50 వేల రూపాయలను షాద్ నగర్ ఎస్సై దేవకి పట్టుకున్నారు. ఎస్సె నయీము ద్దీన్ తనిఖీలు చేస్తుండగా కారులో వెళ్తున్న సంగారెడ్డి చెందిన వ్యాపారవేత్త తలారి నాగేష్ వద్ద రూ.7 లక్షల నగదును స్వాధీనం చేసుకున్నారు. సరైన ధ్రువపత్రాలు చూపకపోవడంతో 18 లక్షల రూపాయలను సీజ్ చేసినట్లు, పూర్తి ఆధారాలతో ధ్రువపత్రాలు సమర్పిస్తే నగదును సదరు వ్యక్తులకు అందిస్తామని పోలీసులు తెలిపారు.

మట్టపల్లి వద్ద రూ.4 లక్షలు పట్టివేత