તેની સુંદર માંજરી આંખો મને બહુ ગમે, તેને તો કોઈ નુકસાન નહિ થાય ને?

તે વિચારવા લાગી પોતે કેટલી પછાત છે આ દુનિયામાં!

સુશિલાનું મંથન: સુશિલા આંખનાં દવાખાનામાં બેઠી હતી. આંખ ડોક્ટરને બતાવવા આવી હતી. નર્સ બે ત્રણવાર ટીપાં ટપકાવી ગઈ હતી. તે બેઠી બેઠી વિચારી રહી હતી કે નાના મોટા સર્વે અહીં બેઠેલા કંઈ ને કંઈ તો દ્રષ્ટિની ફરિયાદ લઈ આવ્યા છે, તો મારું મન કેમ ગભરાઈ રહ્યું છે.ત્યાં જ કાઉન્ટર પરથી બૂમ પડી મિસ.માર્ગી આદિલ ને એક અંત્યત આધુનિક યુવતી આવી ઊભી રહી.

તે ફટાફટ અંગ્રેજીમાં વાતચીત કરવા લાગી, તેનું શર્ટ ખભા પરથી નીચે ઉતરી પડ્યું. અંદરના વસ્ત્રો ડોકાયા. સુશીલાની નજ૨ ટીપાંની ધૂંધળાશમાં પણ અચાનક ત્યાં બેઠેલાં બધાં પુરુષો તરફ ફરી વળી.દરેકની નજર તે મીસ માર્ગી તરફ જ હતી, પણ તે યુવતીને કોઈ જ ફરક નહોતો પડ્યો. તે સુંદર હતી. તેણે શર્ટ ઉ૫૨ કર્યું ને ફોન પાછળનાં પેન્ટનાં ગજવામાંથી કાઢ્યો અને બે જ સેકન્ડમાં તેમાંથી જ પૈસા ભરી દીધાં . આ બધું સુશિલાનાં મન પર અસર કરી ગયું.