આવકવેરાનું નવું પોર્ટલ

આત્મનિર્ભર કરદાતા

વિક્સિત દેશોમાં કરદાતા પોતાના કર૫ત્રકો જાતે ભરી અને સરળતાથી તેની આકારણી કરાવી શકે છે. કરદાતાઓને કરવિભાગનું સરનામું સુધ્ધા ખબર હોતી નથી. તેમના કરપત્રકોની મોટા ભાગની વિગતો પહેલેથી જ ભરાઈને આવે છે.

જ્યારે આપણા દેશની વાત કરીએ તો આજથી લગભગ 15 વર્ષ પહેલા આવકવેરા પત્રકો ભરવા માટે લાંબી લાઇનોમાં ઊભા રહી અને પત્રકોના ઘણા બધા કાગળો ફાઈલ કરવા પડતા. આ પત્રકો ભરવાની પ્રક્રિયા લગભગ 10 વર્ષથી તો સંપૂર્ણપણે ઓનલાઇન કરવામાં આવી અને કરદાતા દ્વારા આવકવેરા વિભાગના ઇ-ફાઇલિંગ પોર્ટલ પર પત્રકો ભરવામાં આવે છે. આવકવેરા વિભાગ દ્વારા આ પત્રકોની સ્કૂટિની વગેરેની પ્રક્રિયા જે અધિકારી દ્વારા કરવામાં આવતી તેને પણ છેલ્લા એક વર્ષથી સંપૂર્ણ ઓનલાઇનનું સ્વરૂપ આપવામાં આવેલ છે. ફેસલેસ ઇ-એસેસમેન્ટ પ્રક્રિયા દ્વારા આવકવેરા વિભાગે કરદાતાની આવકની આકારણી ઘણી સરળ બનાવી છે. આપણા દેશમાં પણ વિક્સિત દેશોની જેમ આવકવેરા વિભાગમાં રૂબરૂ જવાની પ્રક્રિયા ધીરે ધીરે ઓછી થઈ રહી છે.