રાજ્યમાં 12થી 22 ઓગસ્ટ સુધી યુવા મતદાર મહોત્સવની ઉજવણી

મતદાર જાગૃતિ માટે ઑડિયો ગીત કે સંદેશ, શોર્ટ વીડિયો, ઇ-પોસ્ટર, ટેગલાઇન કે સ્લોગન અને પોસ્ટરડિઝાઇન સ્પર્ધાઓ યોજાશે

રાજ્યમાં વિધાનસભા ચૂંટણી પૂર્વે 12થી 22 ઓગસ્ટ દરમિયાન યુવા મતદાર મહોત્સવ-2022ની ઉજવણી કરાશે.

ચૂંટણી પંચ દ્વારા વર્ષ-2022 માટે જાહેર કરાયેલી આવો ચૂંટણી પ્રક્રિયાને સમાવિષ્ટ, સુગમ અને સહભાગી બનાવીએ, થીમ પર મતદાર જાગૃતિ અંગેના ઑડિયો, વીડિયો, ઈ-પોસ્ટર, ટેગલાઈન અને પોસ્ટર ડિઝાઈન સ્પર્ધાઓ યોજવામાં આવશે. કુલ બે કેટેગરીમાં યોજાનારી આ સ્પર્ધાઓમાં ‘રાષ્ટ્રીય મતદાન દિવસ-2022’ની ઉજવણી અંતર્ગત ગ્રામ્ય અને તાલુકા કક્ષાએ વિજેતા થનાર સ્પર્ધકોને પ્રમાણપત્ર તથા જિલ્લા કક્ષાએ અને રાજ્ય કક્ષાએ વિજેતા થનાર સ્પર્ધકોને પ્રમાણપત્રની સાથે સાથે પ્રોત્સાહક રકમનું રોકડ ઈનામ આપવામાં આવશે.