આઈટી ક્ષેત્રમાં મંદીના વાદળો, જુલાઈ સુધીમાં 11 હજાર કર્મીઓની નોકરી ગઈ

USના આઈટી સેક્ટરમાં વધી રહેલી મંદીની વૈશ્વિક સ્તરે અસર વર્તાઈ

વિશ્વની મહાસત્તા અમેરિકામાં આઈટી સેક્ટરમાં આવેલી મંદીની વિશ્વના અન્ય દેશોમાં પણ અસર જોવા મળી રહી છે. ચાલુ વર્ષે જુલાઈ સુધીમાં ભારતમાં 11 હજારથી વધુ કર્મચારીઓએ નોકરી ગુમાવવાનો વારો આવ્યો છે.

ક્રંચબેસના આંકડા મુજબ અમેરિકામાં વર્ષ 2022માં જુલાઈ સુધીમાં 32 હજારથી વધુ આઈટી સેક્ટરના કર્મચારીઓની નોકરી ગઈ છે. છટણી કરનાર કંપનીઓમાં આઈટી સેક્ટરની દિગ્ગજ માઈક્રોસોફ્ટ તેમજ મેટા જેવી કંપનીઓનો સમાવેશ થાય છે. તજજ્ઞોના માનવા મુજબ હજુ વધુ ખરાબ સ્થિતિ આવે તેવી આશંકા છે.