കൊലപാതകം, പ്രതി പിടിയിൽ

മലയിൻകീഴിൽ 11 വർഷം മുമ്പ് അമ്മയും മകളും കാണാതായ സംഭവം; 

തിരുവനന്തപുരം: അമ്മയെയും കുഞ്ഞിനെയും 11 വർഷങ്ങൾക്ക് മുമ്പ് കാണാതായ സംഭവം കൊലപാതകമാണെന്ന് തെളിഞ്ഞു. ഊരുട്ടമ്പലം സ്വദേശി വിദ്യയും മകൾ ഗൗരിയുമാണു കൊല്ലപ്പെട്ടത്. വിദ്യയുടെ പങ്കാളി മാഹിൻ കണ്ണ് കുറ്റസമ്മതം നടത്തി. കടലിൽ തള്ളിയിട്ടാണ് ഇരുവരെയും കൊലപ്പെടുത്തിയതെന്നു മാഹിൻ കണ്ണ് പൊലീസിനോട് സമ്മതിച്ചു. മാഹിൻ കണ്ണിന്റെ ഭാര്യയ്ക്കും സംഭവത്തെക്കുറിച്ച് അറിയാമായിരുന്നെന്ന് പൊലീസ് പറഞ്ഞു. ജില്ലാ ക്രൈംബ്രാഞ്ചിന്റെ നേതൃത്വത്തിലാണ് കേസ് അന്വേഷിച്ചത്.