കനേഡിയൻ നയതന്ത്രജ്ഞരെ ഇന്ത്യ പുറത്താക്കി

ഇന്ത്യ-കാനഡ ബന്ധം

ന്യൂഡൽഹി: ഹർദീപ് സിംഗ് നിജ്ജാർ കൊലപാതക ഗൂഢാലോചനയിൽ ഇന്ത്യൻ ഹൈക്കമ്മീഷണർ സഞ്ജയ് വർമയ്ക്കും മറ്റ് നയതന്ത്രജ്ഞർക്കും പങ്കാളിത്തമുണ്ടെന്ന കാനഡയുടെ ആരോപണത്തിന് പിന്നാലെ ഇരു രാജ്യങ്ങളും തമ്മിലുള്ള നയതന്ത്രബന്ധം വീണ്ടും വഷളാകുന്നു. ഇപ്പോൾ രൂക്ഷമായ നടപടിയാണ് ഇന്ത്യ സ്വീകരിച്ചിരിക്കുന്നത്. 6 കനേഡിയൻ നയതന്ത്ര ഉദ്യോഗസ്ഥരെ ഇന്ത്യ പുറത്താക്കി. ഇന്നലെ രാത്രി പത്തോടെയാണ് ഇതുസംബന്ധിച്ച ഉത്തരവ് ഇറക്കിയത്.ഇന്ത്യയിലെ കനേഡിയൻ പ്രതിനിധിയെ വിദേശ കാര്യമാന്ത്രാലയം വിളിപ്പിച്ച് സംസാരിച്ചതിന് ശേഷമായിരുന്നു നടപടി.