രണ്ടാം വരവ്

യുഎസിൽ ട്രംപിന് രണ്ടാമൂഴം സ്വിങ് സ്റ്റേറ്റുകൾ തൂത്തുവാരി സെനറ്റിലും റിപ്പബ്ലിക്കൻ ആധിപത്യം ഇനി അമേരിക്കയുടെ സുവർണ്ണ കാലഘട്ടമെന്ന് ട്രംപ്

ന്യൂയോർക്ക് :അമേരിക്കയിൽ ഇനി ട്രംപ് യുഗം. അമേരിക്കയെ "ചുവപ്പിച്ച് റിപ്പബ്ലിക്കൻ നേതാവും മുൻ അമേരിക്കൻ പ്രസിഡന്റുമായ ഡോണൾഡ് ട്രംപ് അധികാരം ഉറപ്പിച്ചു. ട്രംപിന് 277 ഇലക്ടറൽ വോട്ടുകൾ ലഭിച്ചപ്പോൾ ഡെമോക്രാറ്റിക് പാർട്ടി സ്ഥാനാർഥിയും നിലവിലെ യുഎസ് വൈസ് പ്രസിഡന്റുമായ കമല ഹാരിസിന് 224 വോട്ടുകളാണ് നേടാനായത്. വിജയത്തിന് 270 വോട്ടുകളാണ് വേണ്ടത്. ഔദ്യോഗിക ഫലപ്രഖ്യാപനം 2025 ജനുവരി ആറിനാണ്.

സെനറ്റിലും ജനപ്രതിനിധി സഭയിലും റിപ്പബ്ലിക്കൻ പാർട്ടി ആധിപത്യം നേടി. തിരഞ്ഞെടുപ്പ് ഫലം അനുകൂലമായതോടെ അമേരിക്കൻ ജനതയ്ക്ക് ട്രംപ് നന്ദി പറഞ്ഞു.