સરકાર ડેવલપમેન્ટનું એક્ઝિક્યુશન કરે, પરંતુ અંતિમ નિર્ણય ટ્રસ્ટને આધિન રહેઃ અરજદારની રજૂઆત

કાનૂનિ વિવાદ: ગાંધી આશ્રમના રિડેવલપમેન્ટના મામલે થયેલી જાહેરહિતની અરજીનો મામલો

રાષ્ટ્રપિતા મહાત્મા ગાંધીની ધરોહર સમાન ઐતિહાસિક સાબરમતી આશ્રમના પ્રસ્તાવિત રિડેવલપમેન્ટના વિરોધમાં ગાંધીજીના પ્રપૌત્ર તુષાર ગાંધીએ કરેલી રિટમાં મંગળવારે બંને પક્ષો તરફથી ધારદાર દલીલ કરવામાં આવી હતી. જેમાં અરજદાર તુષાર ગાંધી તરફથી એડવોકેટની દલીલ હતી કે,‘અમે આશ્રમના રિડેવલપમેન્ટના વિરોધમાં નથી, સરકાર જોડે વિષયના નિષ્ણાંતો છે અને તેઓ સારું કામ કરી શકે છે. પરંતુ શું અને કઇ રીતે ડેવલપ કરવું એનો અંતિમ નિર્ણય ટ્રસ્ટને આધિન રહેવો જોઇએ.’