લોન આપવાના નામે અમેરિકન નાગરિકો સાથે છેતરપિંડી કરતા બે ભાઈ ઝડપાયા

સાયબર ક્રાઇમે બાપુનગરમાં બોગસ કોલ સેન્ટર ચલાવનારા બે ભાઇની ધરપકડ કરી આરોપીઓ ગિફ્ટ કાર્ડની ખરીદી કરાવી પ્રોસેસ કરાવી છેતરપિંડી કરતા હતા

અમદાવાદ સાયબર ક્રાઇમે બાપુનગરની એક સોસાયટીમાં રેડ કરી બે ભાઇને બોગસ કોલ સેન્ટર ચલાવી ઠગાઇ કરવાના ગુનામાં ઝડપી પાડ્યા છે. બંને આરોપીઓ કંપનીના અધિકારી બનીને લોન આપવાના નામે વિદેશમાં ફોન કરીને ગિફ્ટ કાર્ડ ખરીદી કરાવી તેનું પ્રોસેસિંગ કરાવી રોકડમાં નાણાં રૂપાંતર કરાવી ઠગાઇ આચરતા હતા. હાલ બંને આરોપીઓ પાસેથી પોલીસે મુદ્દામાલ અને ડેટા કબજે કરી વધુ તપાસ હાથ ધરી છે.