મેદાન કવર કરવા ઇડનને અનુસરવા ગાવસ્કરનું સૂચન

ભારત અને દ. આફ્રિકા વચ્ચેની પ્રથમ ટી20 ધોવાયા બાદ ગાવસ્કરે યજમાન બોર્ડને અનુરોધ કર્યો

ભારત અને સાઉથ આફ્રિકા વચ્ચે રવિવારે રમાનારી ડરબન ખાતેની પ્રથમ ટી20 ક્રિકેટ મેચ વરસાદને કારણે સંપૂર્ણપણે ધોવાઈ ગઈ હતી. આ મેચમાં એક પણ ઓવરની રમત શક્ય બની ન હતી. મેચ બાદ ભારતના મહાન ક્રિકેટર અને ટીવી કોમેન્ટેટર સુનીલ ગાવસ્કરે યજમાન ક્રિકેટ બોર્ડને સૂચન કર્યું હતું કે સમગ્ર મેદાનને કવર કરવા માટે દરેક બોર્ડે કોલકાતાના ઇડન ગાર્ડન્સનું ઉદાહરણ લઈને તેને અનુસરવું જોઇએ.