ખેડા જિલ્લામાં 46,297 પરીક્ષાર્થીઓ બોર્ડની પરીક્ષા આપશે

જિલ્લામાં કુલ ૬૮ કેન્દ્રો, ૧૫૭ પરીક્ષા સ્થળ અને ૧૬૮૦ બ્લોક પર પરીક્ષા યોજાશે એકસન પ્લાન :કલેકટરની અધ્યક્ષતામાં યોજાયેલી પરીક્ષા સમિતિની બેઠકમાં એક્શન પ્લાન રજૂ કરાયો

એસ.એસ. સી અને એચ.એસ.સી પરીક્ષા માર્ચ –2024 અંતર્ગત ખેડા જિલ્લામાં કુલ 68 કેન્દ્રો પર ધો. 10 અને 12ના અંદાજિત 46,297 પરીક્ષાર્થીઓ પરીક્ષા આપશે. ગુજરાત મા. અને ઉ.મા. શિક્ષણ બોર્ડ ગાંધીનગર દ્વારા 11 માર્ચના રોજ એસ.એસ.સી અને એચ.એસ.સી બંને બોર્ડ પરીક્ષા ખેડા જિલ્લામાં સૌહાર્દ વાતાવરણ થી લેવાય તે માટે ગુજરાત રાજ્યના શિક્ષણ વિભાગ દ્વારા શિક્ષણ મંત્રી કુબેરભાઈ ડીંડોર, રાજ્ય કક્ષાના શિક્ષણ મંત્રી પ્રફુલભાઈ પાનશેરિયા, શિક્ષણ સચિવ રાવ અને બોર્ડના અધ્યક્ષ ડો. બંછાનિધિ પાણી દ્વારા વીડિયો કોન્ફરન્સ યોજવામાં આવી હતી.જેમાં ખેડા જિલ્લા કલેક્ટર અમિત પ્રકાશ યાદવની અધ્યક્ષતામાં ખેડા જિલ્લા પરીક્ષા સમિતિના સભ્યો આ વીડીયો કોન્ફરન્સમાં જોડાયા હતા.