ഓൾ ഓളം

വനിത ട്വന്റി20 ലോകകപ്പിന് ഇന്ന് തുടക്കം മത്സരങ്ങൾ ദുബൈയിലും ഷാർജയിലും ആദ്യ കളി ബംഗ്ലാദേശ് VS സ്കോട്ട്ലൻഡ് ഇന്ത്യ നാളെ ന്യൂസിലൻഡിനെതിരെ

- ടി.കെ. മനാഫ്

ദുബൈ: ഒമ്പതാമത് വനിത ട്വന്റി20 ലോകകപ്പിന് ദുബൈയിൽ ടോസ് വീഴാൻ മണിക്കൂറുകൾ മാത്രം ശേഷിക്കെ ടീമുകൾ അവസാന വട്ട ഒരുക്കത്തിൽ ആറുതവണയും കപ്പിൽ മുത്തമിട്ട നിലവിലെ ചാമ്പ്യന്മാരായ ആസ്ട്രേലിയക്കു തന്നെയാണ് ഇത്തവണയും മാനസിക മുൻതുക്കമെങ്കിലും ഇന്ത്യയും ശക്തമായ സാന്നിധ്യമാണ്. അഞ്ച് വീതം ടീമുകൾ രണ്ട് ഗ്രൂപ്പുകളായി ഏറ്റുമുട്ടുന്ന വനിത കുട്ടി ക്രിക്കറ്റ് ലോകപ്പോര് ദുബൈ അന്താരാഷ്ട്ര സ്റ്റേഡിയത്തിലും ഷാർജ ക്രിക്കറ്റ് സ്റ്റേഡിയത്തിലുമായാണ് നടക്കുന്നത്. ഇന്ത്യൻ സമയം ഇന്ന് വൈകീട്ട് 3.30ന് ഷാർജയിൽ അരങ്ങേറുന്ന ഉദ്ഘാടന മത്സരത്തിൽ ബംഗ്ലാദേശിനെ സ്കോട്ട്ലൻഡ് നേരിടും. വെള്ളിയാഴ്ച ദുബൈയിൽ ന്യൂസിലൻഡിനെതിരെയാണ് ഇന്ത്യയുടെ ആദ്യ അങ്കം.

കന്നിക്കിരീടം തേടി ഇന്ത്യ