ഐ.എസ്.എൽ കിരീടത്തിലേക്ക് അങ്കം മുറുകുന്നു

പകുതിയിലേറെ പിന്നിടുമ്പോൾ ബഗാന്റെ സ്വപ്നക്കുതിപ് കരുത്തുകാട്ടി ഗോവയും ജാംഷഡ്പുരും ബംഗളൂരുവും

മുംബൈ: രാജ്യത്തെ ഒന്നാം നിര ഫുട്ബാൾ ലീഗ് പകുതിയിലേറെ മത്സരങ്ങൾ പിന്നിടുമ്പോൾ അപ്രതീക്ഷിത ട്വിസ്റ്റുകളൊന്നുമില്ല. മോഹൻ ബഗാൻ പതിവുപോലെ ഒന്നാം സ്ഥാനത്ത് അതിവേഗം ബഹുദൂരം കുതിപ്പ് തുടരുന്നു. സുനിൽ ഛേത്രിയും ബംഗളൂരുവും തൊട്ടുപിന്നിൽ തുടരുമ്പോൾ ഗോവ ചിലപ്പോൾ കിതച്ചും അതിലേറെ കുതിച്ചും വലിയ സാധ്യതകളുടെ സൂചന നൽകുന്നു. തോൽവിത്തുടർച്ചകളുമായി പിന്നിലേക്കിറങ്ങിയ ബ്ലാസ്റ്റേഴ്സിൽ വമ്പൻ കൂടു മാറ്റങ്ങൾ അരങ്ങുണരുന്നു. ബ്ലാസ്റ്റേഴ്സിന് ആദ്യ നാലിലേക്ക് വഴി തുറക്കാൻ സാധ്യതകൾ വല്ലതും അവശേഷിക്കുന്നോ എന്ന ആധി ആരാധകരിൽ പോലും ഇല്ലാതിരിക്കെ ലീഗിൽ ഇനിയെന്തെന്ന ആലോചന പ്രസക്തം.

ബഗാൻ, ബഗാൻ മാത്രം