டெல்லியில் வெகு விரைவில் அமைப்பாளர் நியமனம் குறித்து இந்தியா கூட்டணி ஆலோசனை!

கருத்திணக்கத்தை உருவாக்க முயற்சி!!

நாடாளுமன்ற குளிர்கால கூட்டத் தொடர் இம்மாதம் 20-ஆம் தேதி முடிவடையும் என்று அறிவிக்கப்பட்டுள்ளது. இக்கூட்டத் தொடர் முடிவடைந்த பிறகு அமைப்பாளர் நியமனம் குறித்து இந்தியா கூட்டணி தலைவர்கள் ஆலோசனை நடத்த முடிவு செய்துள்ளனர். இதுதொடர்பாக கருத்திணக்கத்தை உருவாக்க முன்னெடுப்பு மேற்கொள்ளப்பட்டுள்ளது.

இந்தியா கூட்டணியில் 20-க்கும் மேற்பட்ட கட்சிகள் அங்கம் வகிக்கின்றன. பா.ஜ.க. தலைமையிலான தேசிய ஜனநாயக கூட்டணிக்கு ஈடுகொடுக்கும் வகையில் இந்தியா கூட்டணியால் செயல்பட முடியவில்லை. இந்தியா கூட்டணியில் காங்கிரஸ்தான் பெரிய கட்சி என்றபோதிலும் மக்களவை எதிர்க்கட்சித் தலைவர் ராகுலிடம் போதுமான அரசியல் முதிர்ச்சி இல்லை என்று பல தலைவர்கள் கருதுகிறார்கள்.