ഡച്ച് വധം

ഏകദിനത്തിലെ ഏറ്റവും ഉയർന്ന സ്കോറുമായി ഇംഗ്ലണ്ട് (നാലിന് 498)

ആംസ്റ്റർവീൽ (ഹോളണ്ട്): ഏകദിന ക്രിക്കറ്റിലെ ഏറ്റവും ഉയർന്ന സ്കോറിന് ഉടമകളായി ഇംഗ്ലണ്ട്. ഹോളണ്ടിനെതിരായ ഏകദിന പരമ്പരയിലെ ആദ്യ മത്സരത്തിൽ നാല് വിക്കറ്റ് നഷ്ടത്തിൽ 498 റണ്ണെടുത്താണ് ഇംഗ്ലണ്ട് റെക്കോഡിട്ടത്.

മൂന്ന് ഇംഗ്ലീഷ് ബാറ്റ്സ്മാൻമാർ മത്സരത്തിൽ സെഞ്ചുറി കുറിച്ചു. ഒന്നാം ഏക ദിനത്തിൽ ഇംഗ്ലണ്ടിന് 232 റണ്ണിന്റെ ജയം കുറിക്കാനായി. ഹോളണ്ട് 49.4 ഓവറിൽ 266 റണ്ണിന് ഓൾഔട്ടായി. വിക്കറ്റ് കീപ്പർ സ്കോട്ട് എഡ്വേഡ്സ് (56 പന്തിൽ ഒരു സിക്സറും അഞ്ച് ഫോറുമടക്കം പുറത്താകാതെ 72), ഓപ്പണർ മാക്സ് ഡോഡ് (55 പന്തിൽ 55) എന്നിവർ ഹോളണ്ടിനു വേണ്ടി അർധ സെഞ്ചുറികളടിച്ചു.