അഗ്നിപഥിൽ ഉറച്ചുതന്നെ; റിക്രൂട്ട്മെന്റ് ഷെഡ്യൂളായി

കര, വ്യോമ, നാവിക സംയുക്ത പത്രസമ്മേളനം ഇളവുകൾ ഏറെ; തുല്യ അലവൻസുകൾ ജീവത്യാഗത്തിന് ഒരു കോടി

ന്യൂഡൽഹി: അഗ്നിപഥ് ഹ്രസ്വകാല സൈനിക റിക്രൂട്ട്മെന്റ് പദ്ധതിക്കെതിരായ പ്രതിഷേധം വകവയ്ക്കാതെ നിയമന നടപടികളുമായി മൂന്നു സേനാവിഭാഗങ്ങളും മുന്നോട്ട്. റിക്രൂട്ട്മെന്റ് ഷെഡ്യൂളുകൾ പ്രഖ്യാപിച്ചുകൊണ്ടാണ് മൂന്നു സേനകളും പ്രതിഷേധത്തിനു മറുപടി നൽകിയത്.

എല്ലാ വശവും ആലോചിച്ചുറപ്പിച്ചാണു തീരുമാനമെന്ന് കര, നാവിക, വ്യോമ സേനകളുടെ ഉന്നതോദ്യോഗസ്ഥർ പങ്കെടുത്ത വാർത്താസമ്മേളനത്തിൽ സൈനികകാര്യ വകുപ്പ് അഡീഷണൽ സെക്രട്ടറി ലഫ്. ജനറൽ അനിൽ പുരി വ്യക്തമാക്കി.