കോടിയഭിവാദ്യങ്ങളോടെ വിട, സഖാവേ

കോടിയേരി ഇനി സ്മരണകളിലെ സുസ്മേരസാന്നിധ്യം

 ചെന്നൈ കണ്ണൂർ തിരുവനന്തപുരം: പെരുമാറ്റത്തിൽ സൗമ്യതയും നിലപാടുകളിൽ കമ്യൂണിസ്റ്റ് കാർക്കശ്യവുമായി സി.പി.എമ്മിനെ തുടർച്ചയായി മൂന്നുതവണ നയിച്ച മുൻ സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണൻ (69) അന്തരിച്ചു. അർബുദബാധിതനായി ചികിത്സയിൽ കഴിയവേ, ചെന്നൈയിലെ അപ്പോളോ ആശുപത്രിയിൽ ഇന്നലെ രാത്രി 8.10നായിരുന്നു അന്ത്യം.

മൂന്നുവർഷമായി അസുഖ ബാധിതനായിരുന്നു. ആരോഗ്യനില വഷളായതിനേത്തുടർന്ന് കഴിഞ്ഞ ഓഗസ്റ്റ് 29-നാണ് അദ്ദേഹത്തെ തിരുവനന്തപുരത്തു നിന്ന് എയർ ആംബുലൻസിൽ അപ്പോളോ ആശുപത്രിയിലെത്തിച്ചത്. ശസ്ത്രക്രിയയ്ക്കു ശേഷവും ആരോഗ്യനിലയിൽ മാറ്റമില്ലാതെ തുടരുകയായിരുന്നു. മരണസമയത്തു ഭാര്യ വിനോദിനിയും മക്കളായ ബിനോയിയും ബിനീഷും അടുത്തുണ്ടായിരുന്നു. വ്യോമമാർഗം ഇന്ന് ജന്മനാടായ കണ്ണൂരിലെത്തിക്കുന്ന മൃതദേഹം ഉച്ചയോടെ തലശേരി ടൗൺ ഹാളിൽ പൊതുദർശനത്തിനു വയ്ക്കും. സംസ്കാരം ദ്യോഗിക ബഹുമതികളോടെ നാളെ ഉച്ചകഴിഞ്ഞ് മൂന്നിനു കണ്ണൂർ പയ്യാമ്പലത്ത്  സി.