പിന്നാലെ പോലീസ് രാഹുകാലം

ജോഡോ യാത്രയിലെ പരാമർശത്തിൽ ആവശ്യമെങ്കിൽ ചോദ്യംചെയ്യുമെന്നു ഡൽഹി പോലീസ് അദാനിയെക്കുറിച്ചുള്ള ചോദ്യങ്ങൾ ബി.ജെ.പിയെ വിറളിപിടിപ്പിക്കുന്നെന്നു കോൺഗ്രസ്

ന്യൂഡൽഹി: രാജ്യത്തു സ്ത്രീകൾ ഇപ്പോഴും ലൈംഗിക ചൂഷണം നേരിടുന്നുവെന്ന പരാമർശത്തിൽ വിശദീകരണം തേടി നോട്ടീസ് നൽകാൻ ഡൽഹി പോലീസ് കോൺഗ്രസ് നേതാവ് രാഹുൽ ഗാന്ധിയുടെ വസതിയിൽ. രാഹുൽ ഗാന്ധിക്കു നോട്ടീസ് കൈമാറിയ പോലീസ്, വേണ്ടിവന്നാൽ അദ്ദേഹത്തെ ചോദ്യം ചെയ്യുമെന്ന് പിന്നീട് അറിയിച്ചു. വൈകിട്ടോടെ നോട്ടീസിനു രാഹുൽ പ്രാഥമിക മറുപടി നൽകിയെന്നു ദേശീയ മാധ്യമങ്ങൾ.

സംഭവത്തെ രൂക്ഷമായി വിമർശിച്ച് കോൺഗ്രസ് ഉൾപ്പെടെയുള്ള പ്രതിപക്ഷ കക്ഷികൾ. പ്രതിഷേധവുമായി രാഹുലിന്റെ വസതിക്കു മുന്നിൽ തടിച്ചുകൂടിയ കോൺഗ്രസ് പ്രവർത്തകരെ പോലീസ് ബലംപ്രയോഗിച്ച് അറസ്റ്റ് ചെയ്തു നീക്കി.