ആരോഗ്യ, ലൈഫ് ഇൻഷുറൻസ് പ്രീമിയം തൽക്കാലം കുറയില്ല

മിക്ചർ, കേക്ക്, ബിസ്ക്കറ്റ്, ബ്രഡ് പേസ്ട്രി പോലുള്ള ലഘുഭക്ഷണങ്ങൾക്ക് വില കുറയും. ഇവയുടെ 18 ശതമാനം നികുതി 12 ശതമാനമായി കുറച്ചു.

ന്യൂഡൽഹി: കേന്ദ്ര-സംസ്ഥാന ധനമന്ത്രിമാർ ഉൾപ്പെട്ട ജി.എസ്.ടി കൗൺസിൽ യോ ഗം കഴിഞ്ഞപ്പോൾ കാറിന് പുതിയ സീറ്റ് വെക്കണമെങ്കിൽ കൂടുതൽ വില കൊടുക്കേണ്ട സ്ഥിതിയായി. കാർ സീറ്റുകളുടെ നികുതി 18 ശതമാനമായിരുന്നത് 28 ശതമാനമാക്കി. ബൈക്കിന്റെ സീറ്റ് കവറിനുള്ള ജി.എസ്.ടിയുമായി ഏകീകരിക്കുന്നതിന്റെ ഭാഗമാണിത്.

കാൻസർ ചികിത്സക്കുളള മൂന്നു മരുന്നുക ളുടെ വില കുറക്കാൻ തീരുമാനിച്ചത് രോഗി കൾക്ക് ആശ്വാസകരം. ഓസി മെർറ്റിനിബ്, ഡുർവലുമാണ്, ട്രസ്റ്റസുമാബ് ഡറുക്സിറ്റി കാൻ എന്നീ മരുന്നുകളുടെ ജി.എസ്.ടി 12ൽ നിന്ന് അഞ്ചു ശതമാനമായി കുറക്കാനാണ് കൗൺസിലിന്റെ ശിപാർശ. ഈ മരുന്നുകളു ടെ 10 ശതമാനം ഇറക്കുമതി തീരുവ ബജറ്റിലൂടെ ഒഴിവാക്കിയിരുന്നു.