എഫ് ആന്റ് ഒ ഇടപാടുകളിൽ നിയന്ത്രണം കടുപ്പിക്കാൻ സെബി

ചെറുകിട നിക്ഷേപകർക്ക് ഓഹരിവിപണിയിലെ ഫ്യൂച്ചേഴ്സ് ആന്റ് ഓപ്ഷൻസ് നഷ്ടം മാത്രമേ സമ്മാനിക്കാറുള്ളൂ.

മുംബൈ: ചെറുകിട നിക്ഷേപകർക്ക് ഓഹരിവിപണിയിലെ ഫ്യൂച്ചേഴ്സ് ആന്റ് ഓപ്ഷൻസ് നഷ്ടം മാത്രമേ സമ്മാനിക്കാറുള്ളൂ. എങ്കിലും ചെറുകിട നിക്ഷേപകർ പലരും കടം വാങ്ങിപ്പോലും നാളെ ശരിയായേക്കും എന്ന പ്രതീക്ഷയിൽ വീണ്ടും പോയി ആ കുഴിയിൽ വീഴുകയാണ്. ഏറ്റവുമൊടുവിൽ, രാഹുൽ ഗാന്ധി വരെ ഇത് നിയന്ത്രിക്കണമെന്ന് കഴിഞ്ഞ ദിവസം പ്രസ്താവന നടത്തുകയുണ്ടായി. 1.8 ലക്ഷം കോടി രൂപയാണ് കഴിഞ്ഞ മൂന്നുവർഷത്തിനിടെ 90 ശതമാനം ചെറു കിടക്കാർക്കും നഷ്ടമായതെന്നാണ് രാഹുൽ ഗാന്ധി ചൂണ്ടി ക്കാട്ടിയത്.

ഓഹരിവിപണി നിയന്ത്രിക്കുന്ന സെബിയുടെ തിങ്കളാഴ്ച നടക്കാനിരിക്കുന്ന ബോർഡ് യോഗം ഇത്തരം പ്രശ്നങ്ങൾ പരിഹരിക്കാനുള്ള നടപടികളെടുത്തേക്കും.