દોઢ વર્ષમાં છઠ્ઠી જાહેર નોટિસઃ બિલ્ડિંગની આગના ધુમાડાને અવરોધતા કાચને દૂર કરો

હોસ્પિટલનાં એસી, વેન્ટિલેટર્સ, ઈલેક્ટ્રિક પોઇન્ટ્સ અને વાયરિંગ, સ્પ્રિંકલર સિસ્ટમને દર મહિને ચકાસો

અમદાવાદ, મંગળવાર

શહેરમાં છાશવારે શોર્ટ સર્કિટના કારણે આગના નાનામોટા બનાવ બને છે તે વખતે મ્યુનિ. ફાયરબ્રિગેડના જાંબાઝ જવાનો તેમના જીવને જોખમમાં મૂકીને આગમાં ફસાયેલા નાગરિકોને બચાવતા આવ્યા છે. જોકે નાગરિકોમાં ફાયર સેફટીનાં સાધનોને મ્યુનિ. તંત્રનાં ધારાધોરણ મુજબ વસાવીને તેની ગુણવત્તા આધારિત ફાયરબ્રિગેડની એનઓસી લેવામાં ઉદાસીનતા જોવા મળી છે એટલે સત્તાવાળાઓ અવારનવાર ફાયર સેફટીની એનઓસી બાબતે જાહેર નોટિસ પ્રસિદ્ધ કરે છે. છેલ્લાં દોઢ વર્ષમાં છ વખત નોટિસ પ્રસિદ્ધ કરવામાં આવી છે. આજની છેલ્લી જાહેર નોટિસમાં તંત્રે બિલ્ડિંગની આગના ધુમાડાને બહાર જતા અવરોધતા કાચને તાકીદે દૂર કરવાની ચેતવણી આપી છે.