અંગ્રેજો બાદ હવે કેરેબિયન્સનો વારોઃ શિખર સેના ચાર્ટર્ડ ફ્લાઇટથી વેસ્ટ ઇન્ડીઝ પહોંચી

વન ડે શ્રેણીની મેચ ભારતીય સમય અનુસાર સાંજે ૭.૦૦ વાગ્યાથી અને ટી-૨૦ શ્રેણીની મેચ રાત્રે ૮.૦૦ વાગ્યાથી રમાશે

નવી દિલ્હી, બુધવારઃ

ટીમ ઇન્ડિયા અંગ્રેજોને ટી-૨૦ અને વન ડે શ્રેણીમાં હરાવ્યા બાદ હવે કેરેબિયન્સનો સફાયો કરવા રાહુલ દ્રવિડના કોચપદ અને શિખર ધવનની કેપ્ટનશિપમાં ચાર્ટર્ડ ફ્લાઇટ દ્વારા વેસ્ટ ઇન્ડીઝ પહોંચી ગઈ છે. યજમાન વિન્ડીઝ સામે ત્રણ વન ડે અને પાંચ મેચની ટી-૨૦ શ્રેણી રમાવાની છે. ધવન વન ડે શ્રેણીમાં નેતૃત્વ સંભાળી રહ્યો હોવાથી ભારતના નિયમિત કેપ્ટન રોહિત શર્માને થોડો બ્રેક મળી ગયો છે. રોહિતને વન ડે શ્રેણી માટે આરામ આપવામાં આવ્યો છે. ભારતીય ટીમ માન્ચેસ્ટરથી જ સીધી વિન્ડીઝ જવા રવાના થઈ હતી.

ભારતે વન ડે શ્રેણી માટે ૧૬ સભ્યની ટીમની પસંદગી કરી છે. આ ટીમને સંજુ સેમસન, ઋતુરાજ ગાયકવાડ અને શુભમન ગિલે જોઇન કરી છે. આ ત્રણેય ખેલાડી ઈંગ્લેન્ડ સામે રમાયેલી વન ડે શ્રેણીનો હિસ્સો નહોતા.