શ્રીલંકા સામેની હારથી પાક.ને ઝટકોઃ WTCમાં ત્રીજાથી પાંચમા સ્થાને ધકેલાયું

જો બીજી ટેસ્ટ મેચમાં પણ પાક. ટીમ જીતી જાત તો તે ટોપ-ટુની બહુ નજીક પહોંચી જાત, પરંતુ શ્રીલંકન ટીમે પાકિસ્તાન ટીમની આશાઓ પર પાણી ફેરવી દીધું હતું

નવી દિલ્હી, શનિવાર:

શ્રીલંકા સામે ગાલે ટેસ્ટમાં થયેલા ૨૪૬ રનના વિશાળ પરાજયથી પાકિસ્તાનની ટીમને મોટો ઝટકો લાગ્યો છે. આ હાર સાથે પાકિસ્તાની ટીમ વર્લ્ડ ટેસ્ટ ચેમ્પિયનશિપ (WTC)ના પોઇન્ટ ટેબલમાં ત્રીજા સ્થાનથી પાંચમા સ્થાને ધકેલાઈ ગઈ છે. આ સ્થિતિમાં તેની WTCની ફાઇનલમાં પહોંચવાની આશાઓ પર મોટો ધક્કો લાગ્યો છે.