અમદાવાદમાં ફરી વરસાદી માહોલ જામ્યોઃ સવારથી અનેક વિસ્તારમાં ઝરમર વરસાદ

આજથી દક્ષિણ ગુજરાત તેમજ સૌરાષ્ટ્રમાં ભારે વરસાદની હવામાન વિભાગની આગાહી

અમદાવાદ, મંગળવાર

વેસ્ટર્ન ડિસ્ટર્બન્સ સાથે જ બંગાળની ખાડીમાં વધુ એક લો પ્રેશર સક્રિય થયું છે, જેની અસર ગુજરાતના વાતાવરણ પર જોવા મળી છે. લો પ્રેશરના કારણે ગુજરાતમાં ભારેથી અતિભારે વરસાદ થવાની હવામાન વિભાગની આગાહી મુજબ આજે સવારથી અમદાવાદ શહેરમાં વધુ એક વખત ઘનઘોર વાદળો સાથે વરસાદી માહોલ જામ્યો છે. શહેરમાં ઝરમર વરસાદ ચાલુ છે. હવામાન વિભાગની આગાહી મુજબ ગુજરાતમાં વરસાદનું જોર ફરી વધી શકે છે. અમદાવાદ સહિત રાજ્યમાં આગામી ત્રણ દિવસ સુધી મેઘરાજાની ધમાકેદાર બેટિંગ થશે. આજથી અમદાવાદ, દક્ષિણ ગુજરાત તેમજ સૌરાષ્ટ્રમાં ભારે વરસાદની આગાહી કરવામાં આવી છે.