બિહારમાં નીતીશ કેબિનેટનું વિસ્તરણઃ ૩૦થી વધુ પ્રધાનોને સ્થાન, RJDનો દબદબો

જેડીયુના ૧૧, કોંગ્રેસના બે, હમના એક અને એક અપક્ષને પણ સામેલ કરાશે

પટણા, મંગળવાર

બિહારમાં નીતીશકુમાર કેબિનેટનું આજે વિસ્તરણ થવા જઈ રહ્યું છે. તેજપ્રતાપ યાદવ સહિત રાષ્ટ્રીય જનતા દળ (આરજેડી) ના ક્વોટામાંથી ૧૬ પ્રધાનો શપથ લેવા જઈ રહ્યા છે. આ ઉપરાંત જેડીયુના ૧૧, કોંગ્રેસના બે પ્રધાન પણ નીતીશ કેબિનેટમાં સામેલ થશે. જીતનરામ માંઝીની પાર્ટી હમના એક ધારાસભ્યને પ્રધાન બનાવવાનો નિર્ણય લેવાયો છે. આ ઉપરાંત એક અપક્ષ ધારાસભ્યને પણ શપથગ્રહણ કરવા માટે આમંત્રણ આપવામાં આવ્યું છે.

નીતીશ કેબિનેટના વિસ્તરણમાં જાતિગત સમીકરણોનું ખાસ ધ્યાન રાખવામાં આવ્યું છે, તેમાં આઠ યાદવ, ચાર મુસ્લિમ, છ દલિત અને છ સવર્ણોના પ્રધાન રહેશે. રાજભવનમાં યોજાનારા એક સમારોહમાં બિહારના રાજ્યપાલ ફાગુ ચૌહાણ નવા પ્રધાનોને હોદ્દા અને ગુપ્તતાના શપથ લેવડાવશે.