કોંગ્રેસના અધ્યક્ષપદ માટે હોડ જામી: દિગ્વિજય-થરૂર બાદ ખડગેની એન્ટ્રી

આજે અંતિમ દિવસે ખડગે પણ ઉમેદવારીપત્ર ભરે તેવી પ્રબળ શક્યતા

નવી દિલ્હી, શુક્રવાર

કોંગ્રેસના અધ્યક્ષપદની ચૂંટણીને લઈ હવે ઉમેદવારોની ભારે હોડ જામી છે. આજે ઉમેદવારીપત્ર ભરવાનો અંતિમ દિવસ છે. કોંગ્રેસ પક્ષનાં સૂત્રોએ એવો દાવો કર્યો છે કે વરિષ્ઠ નેતા મલ્લિકાર્જુન ખડગે પણ આજે પોતાનું ઉમેદવારીપત્ર ભરે તેવી પ્રબળ શક્યતા છે. મલ્લિકાર્જુન ખડગેને ગાંધી પરિવારનું સમર્થન હોવાનું પણ સૂત્રો જણાવે છે. આ ઉપરાંત આજે મધ્યપ્રદેશના પૂર્વ મુખ્યપ્રધાન અને વરિષ્ઠ નેતા દિગ્વિજયસિંહ તેમજ કોંગ્રેસના સાંસદ શશી થરૂર પણ આજે ઉમેદવારીપત્ર ભરવાના છે.