શરદ પૂનમના ગરબામાં ખૂની ખેલ ખેલાયોઃ યુવક પર હથિયારથી હુમલો

અમરાઈવાડીનો ચકચારી બનાવઃ બે ટપોરીએ યુવકને છરી-તલવારના આઠ ઘા ઝીંકી દીધા

અમદાવાદ, સોમવાર

શહેરના અમરાઇવાડી વિસ્તારમાં મોડી રાતે બે ટપોરીઓએ જૂની અદાવત રાખીને વીસ વર્ષના યુવક પર તલવાર અને છરીના આઠ ઘા મારીને હુમલો કરી દેતાં ચકચાર મચી ગઇ છે. બંને ટપોરીઓની આઠ મહિના પહેલાં યુવક સાથે બબાલ થઇ હતી. ગઇ કાલે શરદ પૂર્ણિમા હોવાથી યુવક ગરબા રમવા માટે ગયો હતો, જ્યાં મોડી રાતે તેના પર હુમલો થયો હતો.