ચાઈનીઝ ફટાકડા વેચ્યા તો સીધા જેલ ભેગા થશોઃ પોલીસ અને વેપારીઓ વચ્ચે આજે બેઠક

ફટાકડા ફોડવા અને વેચાણ કરવા અંગે થોડા દિવસ પહેલાં પોલીસ કમિશનરે જાહેરનામું બહાર પાડ્યું હતું

અમદાવાદ, મંગળવાર

દિવાળીના તહેવારોને હવે ગણતરીના દિવસો બાકી રહ્યા છે ત્યારે ઠેર ઠેર લોકો ફટાકડાના પંડાલ બાંધીને બેસી ગયા છે. આજે શહેરની અલગ અલગ જગ્યાઓ પર ફટાકડાના વેપારીઓ તેમજ પોલીસ વચ્ચે એક મિટિંગનું આયોજન કરવામાં આવ્યું છે. જેમાં કેટલાંક સૂચન કરવામાં આવશે. ફટાકડાની દુકાન, ફાયર સેફ્ટી રાખવી, ચાઇનીઝ ફટાકડા રાખવા નહીં જેવી અનેક બાબતો પર ચર્ચા થશે. આ સિવાય પંડાલમાં ફટાકડાની દુકાનમાં આગ લાગે તો શું કરવું તેની પણ માહિતી આપવામાં આવશે.